وزیر اعظم کی پیٹرول قیمتیں پہلے کی طرح 15 روز بعد مقرر کرنے کی اہم خبر
اسلام آباد: پاکستان پٹرولیم ڈیلرز ایسوسی ایشن (PPDA) کے چیئرمین ملک خدا بخش نے کہا ہے کہ پٹرولیم مصنوعات کی قیمتوں میں روزانہ کی بنیاد پر ردوبدل کے حوالے سے ایک نئی سمری وزیراعظم کو بھجوا دی گئی ہے۔
کراچی میں ہنگامی پریس کانفرنس سے خطاب کرتے ہوئے خدا بخش نے کہا کہ مشرقِ وسطیٰ میں کشیدگی میں کمی کے باعث تجویز دی گئی ہے کہ پٹرولیم مصنوعات کی قیمتوں کا دوبارہ ہر سات یا 15 دن بعد جائزہ لیا جائے۔
دریں اثنا، PPDA کی ہڑتال کی دھمکی کے بعد حکومت نے پٹرولیم ڈیلرز کے مارجن میں 1.34 روپے فی لیٹر اضافہ کر دیا ہے، جس کے بعد ڈیلرز کا مجموعی مارجن 10 روپے فی لیٹر ہو گیا ہے۔ اس اضافے کے بعد ایسوسی ایشن نے ہفتے کے روز ہونے والی اپنی ہڑتال مؤخر کر دی۔
خدا بخش نے بتایا کہ اسلام آباد میں مذاکرات کے بعد وفاقی وزیرِ پٹرولیم نے انہیں ٹیلی فون پر آگاہ کیا کہ وزیراعظم نے ڈیلرز کے مارجن میں 1.34 روپے فی لیٹر اضافے کی منظوری دے دی ہے۔
انہوں نے مزید کہا کہ وزیراعظم کی منظوری حاصل کرنے کے لیے ایک سمری اقتصادی رابطہ کمیٹی (ECC) کو بھی ارسال کر دی گئی ہے۔
Comments
Post a Comment