پیٹرول 266 روپے فی لیٹر، وزیر خزانہ خوشخبری سنا دی
وزیرخزانہ محمد اورنگزیب نے کہا ہے کہ عالمی مارکیٹ میں پیٹرولیم مصنوعات اسی طرح کم ہوتی رہیں توپہلےوالی قیمتوں پر آجائیں گے۔ نجی ٹی وی کے پروگرام میں گفتگو کرتے ہوئے انہوں نے کہا کہ پیٹرولیم لیوی خطے میں شروع ہونے والے تنازع سے پہلے بھی تھی پیٹرولیم لیوی کے سوا ایف بی آر کا ہدف بھی یقیناً حاصل کیا جا سکتا ہے،وزیراعظم اور وزیر پیٹرولیم نے واضح کیا کہ جیسے ہی عالمی منڈی میں قیمتیں کم ہوں گی عوام کو فائدہ پہنچائیں گے،ہماری کوشش ہے کہ پیٹرول کی پرانی قیمت 266 روپے تک لائی جائے،عوام کو ریلیف دینے کیلئے کوشاں ہیں، حکومت کی جانب سے 130ارب روپے اور ٹارگٹڈ سبسڈی بھی دی جارہی ہے۔
وزیرخزانہ نے کہا کہ موجودہ صورتحال دیکھتے ہوئے آئندہ مالی سال مہنگائی کی شرح 8.2 فیصدتک رہنے کا اندازہ ہے خطے کی صورتحال جتنا جلدی نیچے آئے گی مہنگائی نیچے آنا شروع ہوجائےگی، خطے میں کشیدگی کے دوران ملک میں صورتحال کنٹرول میں رہی ملک میں کہیں ماردھاڑ یا گاڑیوں کی قطاریں نہیں لگیں، خطے میں کشیدگی کےدوران پاکستان میں کسی چیز کی شارٹیج نہیں ہوئی۔ ان کا کہنا تھا کہ اس بار حکومت کی طرف سے منصوبوں کو پرائیوٹائز کیاگیا ہے پبلک پرائیوٹ پارٹنرشپ سے متعلق سندھ حکومت کی تعریف کرتا رہوں گا، حکومت کچھ ادارے بند کر رہی ہے تو اس کی بھی ایک قیمت ہوتی ہے پی ڈبلیو ڈی ، پاسکو، یوٹیلٹی کارپوریشن بند کئے کیونکہ ان کو اربوں کی سبسڈی جاتی تھی۔
Comments
Post a Comment